ལུང་བསྟན་གྱི་རྒྱལ་སྲས་འཁྲུངས་སྟོན་ལུ་ བཀྲིས་ལེགས་སྨོན་ཞུ།- ༡༡/༠༢/༢༠༡༦།

༉    བསླུ་མེད་དཀོན་མཆོག་གསུམ་གྱི་ཐུགས་རྗེ་ལས།།  ཡབ་རྗེ་དམ་པ་འབྲུག་རྒྱལ་ལྔ་པ་མཆོག།

ཡུམ་མཆོག་རྗེ་བཙུན་སྒྲོལ་མའི་རྣམ་སྤྲུལ་ལས།། མཆོག་སྤྲུལ་བརྒྱུད་འཛིན་རྒྱལ་སྲས་བལྟམས་པ་ལེགས།།

ཉ་ཕྲུག་ཆུ་ལ་ལུས་རྩལ་རྒྱས་པ་བཞིན།། སྲས་མཆོག་འོ་མའི་བཅུད་ཀྱིས་གང་སྐུ་རྒྱས།།

ད་ནས་ཉིན་བཞིན་དམ་པའི་མཛད་བྱར་བསླབ།། ཆ་ལུགས་བཟང་པོའི་ལུགས་ལས་མི་འདའ་བར།།

ཐ་མར་གསེར་ཁྲིར་བྱོན་ནས་བརྒྱུད་འཛིན་པའི།། བཀྲིས་ལེགས་སྨོན་ཞི་གཡོགཔ་ཡོངས་ནས་ཕུལ།།

ཡ་རབས་ཁྱོད་སྐུ་བལྟམས་པའི་སྐུ་དྲིན་ལས།། སྤྱིར་བཏང་འཛམ་གླིང་ཞི་བདེ་བཀོད་པར་ཤོག།

བྱེ་བྲག་ཆོས་ལྡན་འབྲུག་གི་རྒྱལ་ཁབ་འདི།། བདེ་སྐྱིད་ཉི་མ་ནུབ་མེད་ཤར་བར་སྨོན།།